Poesia dal Titolo: A 'Cumbinazione

Vulesse na cumbinazione
Pe' arapi' 'e pporte 'e 'stu core 
'A vulesse pe' fa' trasi' 
nu poco 'e calore,
nu filo 'e luce 
dint''a 'sti viche scure 
ca se songo scurdate...
'e capi' che de' ll'ammore. 

Na cumbinazione 
Pe' accarezza' 'sti ffeneste,
Pe fa trasi' nu poco d'aria doce 
dint''a 'sti stanze
Addò 'o mmale d''e padrune
Forse tene nu nomme,
o magari basta 'o perdono,
chello ca saccio ca 'sti porte 
so' nchiuse pe' rancore: 
e po' accumpare tu, 
Accussi'...pe' cumbinazione.

Poesia dal Titolo: Masaniello

E'comme mo faje grande

e comme mo faje bello

a stu Masaniello,

eppure nu mm'arricordo

manco nu monumento,

ma puntualmente 

sta caramella me presiento

forse pecche' e' cunveniente

mu vuo' fa credere

ca stevo malamente.

Me le fatta sapurite

sta mmerecina ca continuo

a me suga' pe tutta a vita

poi arrive tu co risorgimento

e Masaniello me pare 

ancora cchiu' bello

e penzann a chillu pescatore

t'aggia lassat fa'

t'aggia lassat sta'

senza troppo dolore

e oggi si tu ca tien o'monumento,

Je ca' song rimaste senza niente

e non voglio essere irriverete

Masaniello ti rico ca se cunsumata 

a caramalla e posso dire finalmente

ca'e' Toledo

chill' ca' voglio bbene o'veramente.

Poesia dal Titolo: L'Ipocrisia

Pe' tutt''e ttelevisione

vanno dicenno vanno dicenno

ca s'è acciso pe' depressione,

ncoppo 'e stracci''e giurnale

'a gente va liggenno ca nun faticava,

che cercava e nun trovava,

lassanno 4 figli la vedova signora 

in tragica disperazione.

Ma cu tutto 'o bbene 'e Dio

ve dico ca chesta è ipocrisia

e cu chesta modesta testimonianza

ve dico ca il sottoscritto 

nunn''a maje ricevute n'aiutanza.

Cchiù pass''o tiempo 

cchiù' se stregn''o core mpietto

cchiù pass''o tiempo

cchiù assaje è 'a paura 

'e vedé ll'uocchie d''a paura.

So' nato pate

sulo chello saccio fa'

'e da a mangià a sta famiglia mia

l'unica cosa ca me da felicità,

ma so' nato a part''e sotto

addò 'a fatica nunn'è diritto 

te l''e 'a cercà

e mò che m'aggio levato e dato a vita mia

te vuò apparà dicenno ch'è colpa mia

pe' me murtifica 

con la tua solita ipocrisia.

Play me: versione recitata