Poesia dal Titolo: Si sule turnasse.....

Te piace 'e fa l'italiano
e fai abbuffa' a ll'ato.
T'hanno ditto ca simmo na nazione
ca simmo fratelli ...
ma t'hanno lassate
dint''a nu burdello.
Si sulo turnasse a fa' 'o napulitano
rumpisse 'o culo a tutte quante
comme dint''e quatte iurnate,
si sulo turnasse a fa' 'o napulitano
turnass''a casa pe' respira'
l'aria 'e mare, 
ma 'e 'a cuntinua' a fa l'emigrante.
T'hanno ditto ca ce sta 'a democrazia
che 'e fa 'o civile, 
ma te lassano 'a munnezza
miez''a via. 
A te piace 'e fa l'italiano
sin no si Brigante 
comm''a gente ca capette 
'int''a chill'anno. 
Ma nun te rincaricà 
cuntinua a fa l'italiano,
chiude ll'uocchie
appilate e rrecchie e nun parla',
cuntinua a bella vita e pienz''a magna'.
Ma 'o iuorno ca tuorn''a fa' o napulitano
e 'o iuorno ca te ripiglie 'a libberta'.
Si sulo turnasse...